عاطف الجندي
أخيرًا هل البدر و أضاءت الدنيا بوجودك فى منتداك
يسعدنا تواجدك معنا يدا بيد و قلبا بقلب
لنسبح معا فى سماء الإبداع
ننتظر دخولك الآن


منتدى عاطف الجندي الأدبى يهتم بالأصالة و المعاصرة
 
الرئيسيةاليوميةمكتبة الصوربحـثالتسجيلالمجموعاتدخول
صدر عن دار الجندي بالقاهرة ديوان مكابدات فتى الجوزاء للشاعر عاطف الجندي .. ألف مبروك
أحبائي بكل الحب تعود ندوة المنتدى السبت الأول من كل شهر باتحاد كتاب مصر ويسعدنا دعوتكم السادسة مساء السبت الأول من كل شهر باتحاد الكتاب 11 شارع حسن صبري الزمالك فى ندوة شعرية مفتوحة
بحـث
 
 

نتائج البحث
 
Rechercher بحث متقدم
المواضيع الأخيرة
» فضفض .....
أمس في 7:43 am من طرف عماد عبد الحكيم

» عازف الناي جديد دار الجندي
الخميس سبتمبر 14, 2017 3:29 pm من طرف عاطف الجندى

» ما الفرق بين العالم والعارف
الخميس سبتمبر 07, 2017 2:30 am من طرف قيثارة شجن

» معالى المعلم
الثلاثاء سبتمبر 05, 2017 9:00 am من طرف mona soliman

» أصارحك
الثلاثاء سبتمبر 05, 2017 2:00 am من طرف mona soliman

» مافيش
الثلاثاء سبتمبر 05, 2017 1:38 am من طرف mona soliman

» المصدر المؤول
الإثنين سبتمبر 04, 2017 2:13 pm من طرف امحمد حسيني

» أسماء .. شعر عاطف الجندى
الخميس أغسطس 31, 2017 5:00 pm من طرف عاطف الجندى

» سكن الليل
الثلاثاء أغسطس 29, 2017 5:48 am من طرف امحمد حسيني

Navigation
 البوابة
 فهرس
 قائمة الاعضاء
 الملف الشخصي
 س و ج
 ابحـث
منتدى عاطف الجندى الأدبى
Navigation
 البوابة
 فهرس
 قائمة الاعضاء
 الملف الشخصي
 س و ج
 ابحـث

شاطر | 
 

 جواب مع إيقاف التنفيذ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبوعدنان
شاعر
شاعر
avatar

الدولة : مصر
عدد الرسائل : 453 نقاط : 540 تاريخ التسجيل : 23/07/2010
بطاقة الشخصية
مرئى للجميع:

مُساهمةموضوع: جواب مع إيقاف التنفيذ   الخميس مايو 15, 2014 6:05 pm

( جواب مع إيقاف التنفيذ )

يــــ ما نفسى ...
أنام يا أمّه على حجرك
وتحكيلى كتير حكايات
كما كنتى بتحكيلى
تصبّيلى
كاسات من صوتك التحنان
يغنّيلى
تــ ــغــ ـنــّ ـيــ ـلــ ـى
أغمّض عينى لما تقولى :
" نام ننه "
" وننه هووووه "
ولمّا تحسّسى فى شعرى
أغمض عينى بزيادة
فـــ كالعادة ...
تقولى :
" بس
راح ف النوم "
وبالرّاحة ...
يقوم قلبك يغطّينى
فـــ اموت م الضحك يا غالية
وأقولك :
لسه ما نمتتش
ضحكت عليكى يا أمّايا
فـــ تبتسمى
تقابلى المقلب المعتاد بضحكاية
تنوّر عتمة الأوضة

يـــ ما نفسى
أقوم كما كنت فى الماضى
يا حدوتة
فـــ اشوفك صاحية م النجمة
تصحّى المئذنة تدّن عشان الفجر
أشوفك واقفة بتعدّى على إيدك تسابيحك
ترااااااتيلك
أشوف القمرة بتجيلك فتدعيلها فيصبح بدر
أشوفك سطر فى المصحف
{ تَتَجَافَىٰ}
{ مِنَ اللَّيْلِ فَسَبِّحْهُ }
أشوفك ألف ليلة قدر
أشوف المية بتسلّم على كفوفك
بتتوضَى
أشوفك فاردة سجادتك
وواقفة للصلاة صفًا
وسجادتك ...
بتتمنّى تنول منك شرف سجدة

يــ ما نفسى
أشوفك قاعدة كالعادة
بتتحنّى بكم كبير من النسمات
كما الوردة ...
أشوفك رافعة كفينك إلى أعلى
وبتملّّى السما الدعوات
فتدّعيلى
وتدّعيلى
تقولى : يارب يا رحمن
تخلّّيلى وليد ابنى
وزٍنْهولى
فــ احس بدعوتك يا أمّة بتحضنّى
تطمّنى
تنسّينى البكا والآه

يـــ ما نفسى
أشوفك فى المنام مرة
فتحكيلى عن الجنة وعن (الله)
وتحكيلى عن المعنى فى قول المصطفى يومًا
" ما لا عينٌ
ولا أذنٌ
ولا خطرَ "
فــ اقول : الله
وتحكيلى عن المطرة
وعن بيتها اللى بتفارقه
وكِيف لمّا تعود تلقاه
وتحكيلى ...
عن القمرة
وكِيف بتلف متدوخشى
عن الشمس اللى شموسة
وكِيف بتقضّى لياليها
وكِيف نورها بيوهب من حياته حياة ؟!

يـــ ما نفسى
ويااااااااه يا أمايا لو تيجى تشوفى بنفسك المشهد
هنا يا امّه حيطان البيت
بتسأل كل يوم عنك
لفين رحتى ؟!
وليه طوّلتى ف الغيبة ؟!
وكيف يا امّايا أحوالك ؟!
هنا شالك صبح ميّت
مهوش قادر على الفرقة
هنا السجادة بتعيّط
دموعها نازلة وبحرقة
هنا الطرقة اللى بين اوضتى وبين اوضتك مبتنامشى
بتتمنى تبوس رجلك فى نص الليل كما اعتادت
هنا يا أمّة كتاف الفرن فــ بعادك مبتنوّرش
هنا الصبح اللى كان يضحك وبيهزّر
بقى مكشّر
مبيهزّرش
هنا الشمس اللى كت شابة
و كانت كل يوم تصغر
بقت شِيبة
خلاص الشمس بتعجّز ومبتصغرش
هنا طرْح الساعات دمعات
ضلوع السلّمات بتئن
هنا الدنيا بكل ما فيها مشتاقة
جميع الكائنات يا امّه لنور نورك بقت بتحن
على كلٍٍ
سلام يا امّه
ومش عايزك تشيلى منى أى غياب
أنا ماشى
ويوم الجمعة كالعادة جواب تانى
11 شهر يا امّايا جواب ف جواب مبترديش
يوكنشى البوسطجى يا امه مبيعديش على الجنة ؟!
11 شهر بكتبلك وبستنى يجيينى الرد
11 شهر بتمنّى نكون مع بعض
11 شهر بكتبلك تردى سكوت
أمانة توّصى يا أمّايا عليا الموت
فى قربك بس يا غالية
هكون مبـْسـوط
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عماد عبد الحكيم
شاعر
شاعر
avatar

الدولة : مصر
الميزان الديك
عدد الرسائل : 4104 35
الهواية : كلام
نقاط : 4222 تاريخ التسجيل : 02/03/2013
بطاقة الشخصية
مرئى للجميع:

مُساهمةموضوع: رد: جواب مع إيقاف التنفيذ   السبت مايو 17, 2014 4:27 am

السلام عليكم ورحمة الله وبركاته
أخي الكريم الشاعر / أبو عدنان
في البداية رحم الله موتانا
وجميع موتي المسلمين
نص ...لا أعلم كيف لي أن أعلق علي مثل هذا النص
سردية عذبة
وبوح شجي
وتسلسل بلا عثرات
جعلت الحالة تنتقل كما هي للقارئ وشاركته معك بإبداع في كل ما تشعر به
نص ...يستحق الإشادة ...
ويستحق أن يدرس لأمثالي
إستمتعت بتواجدي هنا
وانتظر جديدك أخي
بشغف

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاطف الجندى
المدير العام
المدير العام
avatar

الدولة : مصر
الجوزاء عدد الرسائل : 14276 الهواية : الشطرنج
نقاط : 13229 تاريخ التسجيل : 01/05/2007
بطاقة الشخصية
مرئى للجميع:

مُساهمةموضوع: رد: جواب مع إيقاف التنفيذ   الخميس يونيو 05, 2014 4:29 pm

أحسنت أيها الرائع
قصيدة جميلة كعادتك
دمت بكل ألق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elgendy.getgoo.net
عادل عوض سند
نائب المديرالعام

نائب المديرالعام
avatar

الدولة : مصر
عدد الرسائل : 19954 نقاط : 20471 تاريخ التسجيل : 07/01/2009
بطاقة الشخصية
مرئى للجميع:

مُساهمةموضوع: رد: جواب مع إيقاف التنفيذ   السبت يونيو 28, 2014 10:13 am

الشاعر الجميل
ابو عدنان
تسلم ايدك نص بتوقيعك الجميل كالعاده .
تحيتى ومودتى ...

_________________
<br>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جواب مع إيقاف التنفيذ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاطف الجندي :: منتدى الإبداع الأدبى :: الشعر العامى-
انتقل الى: