عاطف الجندي
أخيرًا هل البدر و أضاءت الدنيا بوجودك فى منتداك
يسعدنا تواجدك معنا يدا بيد و قلبا بقلب
لنسبح معا فى سماء الإبداع
ننتظر دخولك الآن


منتدى عاطف الجندي الأدبى يهتم بالأصالة و المعاصرة
 
الرئيسيةاليوميةمكتبة الصوربحـثالتسجيلالمجموعاتدخول
صدر عن دار الجندي بالقاهرة ديوان مكابدات فتى الجوزاء للشاعر عاطف الجندي .. ألف مبروك
أحبائي بكل الحب تعود ندوة المنتدى السبت الأول من كل شهر باتحاد كتاب مصر ويسعدنا دعوتكم السادسة مساء السبت الأول من كل شهر باتحاد الكتاب 11 شارع حسن صبري الزمالك فى ندوة شعرية مفتوحة
بحـث
 
 

نتائج البحث
 
Rechercher بحث متقدم
المواضيع الأخيرة
» فضفض .....
أمس في 4:14 pm من طرف عماد عبد الحكيم

» صاحبي اللي راح - تأليف طارق منيب
الخميس نوفمبر 16, 2017 9:24 am من طرف طارق منيب

» النهر الشارد - طارق منيب
الخميس نوفمبر 16, 2017 7:26 am من طرف طارق منيب

» أسرار عائلية - طارق منيب
الجمعة نوفمبر 10, 2017 5:37 am من طرف طارق منيب

» سن الرشد - طارق منيب
الأربعاء نوفمبر 08, 2017 7:43 am من طرف طارق منيب

» رمضان
الإثنين نوفمبر 06, 2017 6:18 am من طرف احمد اسماعيل

» حــــــــــــــــــــــــــــــــــورية
الإثنين نوفمبر 06, 2017 6:07 am من طرف احمد اسماعيل

» قصة قصيرة جدا= محمد خضر الشريف= وفاء حضان
الإثنين نوفمبر 06, 2017 6:00 am من طرف احمد اسماعيل

» آمال - دراسة عروضية
الخميس نوفمبر 02, 2017 5:37 pm من طرف خشان خشان

Navigation
 البوابة
 فهرس
 قائمة الاعضاء
 الملف الشخصي
 س و ج
 ابحـث
منتدى عاطف الجندى الأدبى
Navigation
 البوابة
 فهرس
 قائمة الاعضاء
 الملف الشخصي
 س و ج
 ابحـث

شاطر | 
 

  فكره...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد عبد الهادى
شاعر
شاعر
avatar

الدولة : مصر
عدد الرسائل : 6 نقاط : 12 تاريخ التسجيل : 30/10/2013

مُساهمةموضوع: فكره...   الأربعاء يناير 08, 2014 4:28 am

قصيدة .... فكره...

لما انتي فكره ..
مش قوي..
ليه تقلقيني ...
في المنام..
ليه تقوميني ..
وتزعجيني..
تقرري..
وامسك قلم ..
وامسك ورق..
وتعيشيني في القلق..
وامشي وراكي ..
لحد اخر مفترق...
والقي النهايه فيكي..
زي المبتدأ..
حلقات بتشبه بعضها..
متسلسله..
حتي القلم ...
خانقاه بحبل..
وسلسله..
غيرانه من اختك..
عشان..
واخده الجوايز ..
والنيشان..
بتشوشري دايما ..
عليها..
في الخيال...
وتحسسيني انك..
مؤكد..
وانها  ..
كانت يدوب..
طفله بتحبي ..
في الاحتمال..
واسمع كلامك ..
وانسجم..
في اللخبطه..
واكتب صفح ..
وارسم لوح..
والاقيها حبة ..
شخبطه..
ف العن ابوكي...
وجد جدك ...
ع الورق...
واكسر كمان..
خمسين قلم ..
كده م الزهق..
وارجع لحضن ...
المرتبه..
يمكن انام...
وتجيني تاني..
تجننيني..
في المنام..
وتوشوشيني..
وتضحكي..
تترقصي ..
تتمحكي...
بس النوبه دي..
بجد انام ..
واحلم بغيرك ...
في المنام..
يمكن الاقي ..
فكره بيها...
يترسم ..
بكره اللي شاف..
حلمه النهار ده...
وخلي حتي..
الخوف..
يخاف..
واحلم معاها..
وحلمنا..
يصبح ..
حياه..
وان ما التقيتش..
افضل كده..
تحت اللحاف...
كان نفسي ..
تبقي نجمه..
بتبوس السما ..
ترسم غناوي...
العشق..
في عيون الوطن..
تكسر كلام الصمت..
وتلاقي السكن..
في قلوب ولاده..
الغرقانين..
وتصالح الفرحه ..
اللي هربت..
من جبين ..
الشقيانين...
يتعكز الوطن..
الجريح علي ضلها..
يمسك خيوط بكره..
ويحضن قلبها..
ويعلم ازاي السنين..
تاني ما تمشي..
بضهرها..
او تبقي لحظة..
صدق في جفون..
الغرام..
يسهر معاها..
الحب ....
ما يبطل كلام...
تطلع عليه الشمس..
تطبع ع القلوب..
وردايه صافيه..
بعطرها..
ما فيهاش عيوب..
تفرق كتير..
لو كنتي..
زي ما كنت عايز..
اكتبك..
مليون قصيده..
ساعتها كانت تحسدك..
كانت معاكي عنيه ..
تعلن رفضها ..
للنوم..
ويعلي بكل قوه..
حسها..
تنده عقارب الساعات..
وتقول لها..
استني لحظه واسكتي...
ما تكمليش..
وانتي يا شمس..
اتداري حبه ...
ما تطلعيش....
قبل اما تكمل غنوتي..
وتبدأ تعيش..
لكن خساره طلعتي..
فكره مهمله..
ناسيه الحلول ..
والمشكله..
دي المسأله..
الكلمه لو ما قالتش ...
حاجه..
احسن لها..
تعمل حروفها..
مشنقه..
وتنتحر..
قبل الميلاد..
وخساره فيها..
يتلبس..
شارة..
حداد..
ده تموت بلاد..
وتعيش بلاد...
والفكره تفضل..
رغم دبابيس ...
العناد..
تزرع حروف..
الضي ..
في سنين السواد..
تجني خضارالفرح..
بأدين الولاد...
وتزوق الايام..
في ليلة عرسها..
وتفرق الزغاريد..
بطبله تزفها..
علي كل عاشق..
للوجود...
تنفد بسرعه..
بكل حته ..
في جلدها...
من كل رافض..
للخلود..
وتحرم الدنيا..
كمان علي نفسها..
لحظة ما يحبسها..
الجمود..
يا هل تري ..
يا فكرتي ...
حسيتي بيا..
بغربتي..
ولا مصره ..
تغيمي..
علي فرحتي..
سايق عليكي..
الابجديه كلها..
لو كونتي لسه بالبله..
ما تقربي ..
تاني يا شيخه..
لفرشتي..
وتسلمي روحك..
حروفك ...
من سكات..
وتونسي رف السنين..
ويا الحاجات..
اللي التراب..
خلاها حبة...
ذكريات..
وانا باوعدك..
لو جيتي تاني..
في توب جديد..
متغيره..
هافتح بيبان ..
كل القيود..
والاسوره..
طرح الامل..
لسه مرابط ..
ع الشجر..
وانتي الحياه..
والعمر  ..
بسمات المطر...
اللي هاتروي..
دنيتي..
ما انتي ...
يا فكره دنيتي..
ف الي لقاء..
يجمعنا تاني..
يا دنيتي ...
ف الي لقاء..
يجمعنا تاني..
يا فكرتي ...


***
شعر: محمد عبد الهادي محمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاطف الجندى
المدير العام
المدير العام
avatar

الدولة : مصر
الجوزاء عدد الرسائل : 14281 الهواية : الشطرنج
نقاط : 13240 تاريخ التسجيل : 01/05/2007
بطاقة الشخصية
مرئى للجميع:

مُساهمةموضوع: رد: فكره...   الخميس يناير 09, 2014 3:42 am

أخى محمد
صباحك شعر أيها الراقي
كنت هنا وسعيد بما قرأت
تنقل القصيدة وتشترك بالمسابقة
تلبية لرغبة الشاعر
خالص الود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elgendy.getgoo.net
إبراهيم عبد العزيز السمري
شاعر
شاعر
avatar

الدولة : مصر
عدد الرسائل : 132 الهواية : الشعر والأدب والكتابات الإسلامية
نقاط : 180 تاريخ التسجيل : 28/02/2012
بطاقة الشخصية
مرئى للجميع:

مُساهمةموضوع: رد: فكره...   الخميس يناير 09, 2014 5:16 am

الأخ الحبيب والشاعر النجيب / محمد عبد الهادي
رائعة قصيدتك بكل ما تحمله من أنفاس شعرية دافئة
ومع أنها تندرج تحت الشعر العامي إلا أنها تسمو لتنافس قصيدة الشاعر وصورة الكمال لعبد الرحمن شكري
لك تقديري واحترامي على كلماتك المنسابة رقة وعذوبة.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبد التواب الرفاعى
شاعر
شاعر
avatar

الدولة : مصر
الدلو الماعز
عدد الرسائل : 702 37
الهواية : شعر عامى
نقاط : 968 تاريخ التسجيل : 07/04/2012
بطاقة الشخصية
مرئى للجميع:

مُساهمةموضوع: رد: فكره...   الجمعة يناير 10, 2014 5:37 am

اولا مرحبا بك هنا
ثانيا انت انسان جميل
ثالثا مين انا عشان اقول عن مستوى القصيده الرائعه بكل مكوناتها
ابدعت فاحسنت فنلت اعجاب الجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن يحي عبد القادر
شاعر
شاعر
avatar

الدولة : الجزائر
الميزان الخنزير
عدد الرسائل : 757 46
الهواية : قراءة الشعر العربي.
نقاط : 815 تاريخ التسجيل : 15/11/2011
بطاقة الشخصية
مرئى للجميع:

مُساهمةموضوع: رد: فكره...   الجمعة يناير 10, 2014 7:45 am

شكرًا يا محمَّد ولو أني أحب جمل السطر.
إلاَّ في حديثاتك أسعد ولو التأنيث لنا نفير
وورغم مسألات و أنوار و الكون كويس
فالسؤال لله والجواب كان فينا والنواميس.
***

" الحروف لا تعرف الحدود فليس لها أرض بل تعرف القلوب السرد."
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل عوض سند
نائب المديرالعام

نائب المديرالعام
avatar

الدولة : مصر
عدد الرسائل : 19954 نقاط : 20471 تاريخ التسجيل : 07/01/2009
بطاقة الشخصية
مرئى للجميع:

مُساهمةموضوع: رد: فكره...   الأربعاء يناير 22, 2014 7:36 pm

الشاعر الجميل
محمد عبد الهادى
والله وبدون مجامله انت شاعر رائع .
ووعيك الشعرى نضح فى كتاباتك التى راقتنى كثيرا .
مودتى وتحيتى ..

_________________
<br>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق منيب
مشرف الأعمال المترجمة
مشرف الأعمال المترجمة
avatar

الدولة : مصر
عدد الرسائل : 4481 الهواية : الشعر- الترجمة
نقاط : 5402 تاريخ التسجيل : 05/05/2009
بطاقة الشخصية
مرئى للجميع:

مُساهمةموضوع: رد: فكره...   الأحد مارس 15, 2015 8:10 am

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
فكره...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاطف الجندي :: منتدى الإبداع الأدبى :: الشعر العامى-
انتقل الى: